ಮಂಗಳವಾರ, ಸೆಪ್ಟೆಂಬರ್ 24, 2013

ಪ್ರೀತಿಯ


           ಇಳಿಮುಖ

ಇಳಿ ಮುಖವಾಗುತ್ತಿಲ್ಲವೇ  ನನ್ನಿನಿಯಾ
ನಮ್ಮ  ಪ್ರೀತಿಯಲೆಗಳ ಬಾರಿಭೋರ್ಗರೆತ.. ?

ನಾವು ಕಟ್ಟಿದ ಕನಸುಗಳು ನನಸಾಗುವ
ಮುನ್ನವೇ  ಮಾಸುತ್ತಿವೆಯಲ್ಲವೇ ಮಾತಿಲ್ಲದೆ ?  

ನಾವು ತುಂಬಿಸುತ್ತಿದ್ದ ತುಂಬುಪ್ರೀತಿಯ
ಬಟ್ಟಲು ಒಣಗಿ ಬರಿದಾಗುತ್ತಿದೆಯಲ್ಲವೇ ?

ನಾನರಿಯೆ ಮನದರಸಿ , ಜಾರುತಿಹುದೆನ್ನ
ಮನಸ್ಸು ಮಂಕಾಗಿ, ಕಳೆಯಬಿಡದಿರದನ್ನ

ಅಮೃತದ ಆಕರಗಳಾಗಿದ್ದ ಅದರಗಳು
ಅಂಜಿಕೆಯಿಂದಗಲಿಕೆಗೆ ಹಾತೊರೆಯುತ್ತಿವೆ

ಪ್ರೀತಿಯ  ಮಧುವಾಗಿದ್ದ  ನಮ್ಮೊಡಲು 
ಕೋಪದ  ಮಡುವಾಗಿವೆ, ಸಹಕರಿಸಬೇಕು 

ನಾವಾಡಿದಾಟ ನಲಿದಾಟಗಳೊಲುಮೆಯ
ಚಿಲುಮೆ ಬತ್ತುವ ಮೊದಲೇ,ಸ್ಫೂರ್ತಿಯಾಗು 

ಹುಸಿಯ  ಕೋಪದ ಮಾತುಗಳು ಪ್ರೀತಿಯ
ಕಸಿದು  ಕೊಳ್ಳುವ ಮೊದಲು , ಹಸಿ ನಗೆಬೀರು

ನಿಮಗಾಗಿ
ನಿರಂಜನ್