ನಿಮಗಾಗಿ....

ಸೋತ ಬಳ್ಳಿ , ನುಲಿದ ಮಳ್ಳಿ

ಮರುಕಳಿಸಿ ಮುಂಜಾವಿನಲಿ ಮುತ್ತಿದವು 
ಮರೆತ ಆ ನನ್ನ ಹಳೆಯ ನೆನಪುಗಳು

ಕ್ಷಣದಲ್ಲೇ  ಬಂದವು , ಬಿಗಿದಪ್ಪಿದವು
ಇಡಿದೆಳೆದಾಡಿದವು ನನ್ನ ಹಳೆಯ ನೆನಪುಗಳು

ಆಷಾಡದ ಗಾಳಿ, ತಂಪಾದ ನಿಸರ್ಗ
ಹಕ್ಕಿಗಳಿಂಚರ, ಧರೆಗಿಳಿದಂತಿತ್ತು ಸ್ವರ್ಗ

ನೀನರಿಯದೆ ನಗೆ ಬೀರಿ ನಿಂತಿದ್ದೆ ಅದರ ಬಳಿ  
ನಾಚಿ ನೀರಾಗಿತ್ತು ಕಂಡೊಡನೆ ಆ ಮಲ್ಲಿಗೆ ಬಳ್ಳಿ  

ನಿನ್ ನೋಟಕೆ , ನಿನ್ ಬಳುಕಿಗೆ  ಸೋತಿತ್ತು
ಇವಳೊಬ್ಬಳೆ ಎನಗೆ ಸರಿಸಾಟಿ ಎಂದೆನಿಸಿತ್ತು 

ನೀರ ಮುತ್ತ ಮಣಿಗಳುರುಳಿದವು ನಿನ್ಮೇಲೆ 
ತಾನೇ ಸುರಿಯಿತು ಸೋತು, ಬಳ್ಳಿ ಹೂಮಳೆ

ಉಳಿದ ಮೊಗ್ಗುಗಳೋ ಅರಳುವುವು ಇನ್ನೆಲ್ಲಿ  ?,
ಝೇಂಕರಿಸುವ ಸುಂದರ ದುಂಬಿಯಾಟವಿನ್ನೆಲ್ಲಿ  ?

ಸೋತಿತ್ತು ಅಲ್ಲಿ , ನಿನ್ ನೋಡಿದ ಮಲ್ಲಿಗೆ ಬಳ್ಳಿ , 
ನೀನೋ  ಅರಿಯದೆ , ಹಾಗೆ ಇದ್ದೆ ಬಲು ಮಳ್ಳಿ ..

ನಿಮಗಾಗಿ 
ನಿರಂಜನ್